( في عام 19999 كنت برفقة عدد من زملائي المحامين في احد شوارع بغداد الحبيبة ولفت انتباهنا وجود السيد نقيب المحامين - آنذاك - الاستاذ عز الدين أحمد النعيمي , بادرنا للسلام عليه وفوجئنا بان السيارة قد تعطلت فجأة اثناء قيادته لها , والتمس منا مساعدته ب ( دفعة زغيرة للسيارة ) .. والحمدلله سرعان ما استجابت السيارة المتهالكة وعلا صوت محركها , علّقتُ ممازحا : - بس ترا استاذنا هاي السيارة منتهية .. ليش ماتبدّلها بوحدة جديدة ؟ اجاب : 

- هاي السيارة مالت النقابة والميزانية متتحمل استبدالها بجديدة . اما انا فعندي سيارتي الشخصية وهيّ جديدة والحمدلله , لكني هسه طالع بمشوار عمل نقابي ولهذا طلعت بهاي التعبانة 

- زين استاذنا عالأقل لو تبدلون تايراتها .. ترا حيل ممسوحة 

اجابني محاولا استجماع كل ملامح وجهه لاقناعي :

- والله والله استاذ خالد .. اكو أوجه صرف بالنقابة أولى بكثير من سيارة النقيب ) 

انتهى . 

ورقة ناصعة من الزمن الأبيض 

نصفع بها جوع الجشع والنهم 

شخوص الزمن الأسود